Featured Posts

13 Mar 2019

கபுரை கட்டுவது கூடுமா ? ஷரீயத் படி ஆகுமானதா ?

நபி ஸல்லல்லாஹு அலைஹி வஸல்லம் அவர்களின் ஆதாரப்பூர்வமான ஹதீஸ்களின் மூலம் உறுதியாகிவிட்டது.கப்ருகளை இழிவுப்படுத்துவது,அதன் மீது அமர்வது, அதில் சிறுநீர் கழிப்பது, மலம் கழிப்பது,அதனின் தோற்றத்தை, வடிவத்தை சிதைப்பது.இதனை தவிர அதற்கு இழிவை ஏற்படுத்தும் அனைத்து காரியங்களும் தடுக்கப்பட்டது.கப்ரானது தங்கும் இடமாகும்.அதனை சங்கைப்படுத்துவது கண்ணியப்படுத்துவது அவசியமாகும்.அதனை இழிவுப்படுத்துவது எப்போதும் கூடாது.இங்கு நாம் ஆய்விற்கு எடுத்துக்கொண்ட விஷயம் கப்ருகளை உறுதியாக கட்டுவது,  குப்பா கட்டுவது,கட்டடம் கட்டுவது கண்ணியப்படுத்துவதில் சேருமா? இல்லையா?



இதற்கு எளிதான பதில் 

கப்ருகளை வலுப்படுத்துவது கப்ரின் மீது கட்டடம் கட்டுவது அதனை சங்கைப்படுத்துவதாக ஆகாது.ஏனெனில்,கப்ருகளை வலுப்படுத்துவது அதன் மீது குப்பா கட்டடம் கட்டுவது கண்ணியம் சங்கையாக இருந்தால், நலன்,பயன் இருந்தால் ஈருலக தலைவர் அகிலத்தின் அருட்கொடை நபி ஸல்லல்லாஹு அலைஹி வஸல்லம் அவர்கள் ஒரு போதும் இதனை தடைசெய்திருக்க மாட்டார்கள்.இதில் நன்மை இருந்தால்  நபி ஸல்லல்லாஹு அலைஹி வஸல்லம் அவர்கள் முஸ்லிம் சமூகத்திற்கு அதனை குறித்து ஏன் ஆர்வப்படுத்தவில்லை? ஊக்கப்படுத்தவில்லை?

ஈருலக தலைவர்,நபிமார்களின் தலைவர்,நபிமார்களில்  இறுதியானவர் நபி ஸல்லல்லாஹு அலைஹி வஸல்லம் அவர்கள் இதனை தடுத்திருக்கும் போது அதில் நன்னை பயன் இருப்பதாக யார் வாதிட முடியும்?

கப்ருகளின் மீது கட்டடம் கட்டுவது தடை கூடாது என்பதற்குரிய விரிவான ஆதாரங்களை இனி காண்போம்!!

عن جابر رضي الله عنه نهی رسول الله ان يجصص القبر و ان يبنی عليه و ان يقعد عليه 

கப்ருகள் காரையால் பூசப்படுவதையும் அதன் மீது கட்டடம் எழுப்பப்படுவதையும் அதன் மீது உட்காருவதையும் நபி ஸல்லல்லாஹு அலைஹி வஸல்லம் அவர்கள் தடைசெய்தார்கள்.

(ஆதாரம்:முஸ்லிம்)

 அபுல் ஹய்யாஜ் அல் அஸ்தி அவர்கள் கூறுகிறார்கள்:

அலி இப்னு அபீதாலிப் (ரளி) அவர்கள் என்னிடம் அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் எந்த அலுவலுக்காக என்னை அனுப்பினார்களோ அந்த அலுவலுக்காக உம்மை நான் அனுப்புகிறேன்.எந்த உருவச்சிலைகளையும் நீர் அழிக்காமல் விட்டுவிடாதீர்.உயர்ந்துள்ள எந்த கப்ரையும் சீராக்காமல் விட்டுவிடாதீர்!! என்று கூறினார்கள்.

இரண்டு ஹதீஸ்களின் மூலம் கப்ரில் கட்டடம் கட்டுவது தடுக்கப்பட்டுள்ளது என்பதை புரியமுடிகிறது.அத்துடன் கட்டியிருந்ததை இடித்து சீர்ப்படுத்த வேண்டும் என்பதையும் விளங்க முடிகிறது.

ஹனஃபி மத்ஹபின் இமாம் அபூஹனீஃபா (ரஹ்) அவர்களின் தெளிவான தீர்ப்பு :

ولا نری ان يزاد علی ما خرج منه و نكره   ان يجصص و يطين الی ان قال ان النبي ﷺ نهی عن تربيع القبور و تجصيصها قال محمد به ناخذ وهو قول ابي حنيفة رحمه الله 

ஹஜ்ரத் முஹம்மத் (ரஹ்) அவர்கள் கூறுகிறார்கள்: கப்ரிலிருந்து எடுக்கப்படும் மண்ணை விட அதிகமாக்குவதை நாம் சரியாக கருதவில்லை.மக்ரூஹ் என்பதாக கருதுகிறோம்.கப்ரை வலுப்படுத்துவது,காரையால் பூசுவது,சதுரமாக கட்டுவதை பெருமானார் ஸல்லல்லாஹு  அலைஹி வஸல்லம் அவர்கள் தடுத்துள்ளார்கள்.இதனை தான் நாம் எடுத்து அமல் செய்கிறோம்.இதுதான் இமாம் அபூஹனீஃபா (ரஹ்) அவர்களின் சொல்லாகும்.

வாசகர்களே!  பெருமானார் ஸல்லல்லாஹு  அலைஹி வஸல்லம் அவர்கள் தடுத்திருக்கும் போது இறைநம்பிக்கையாளனுக்கு அதனை மீறுவதற்கு  உரிமை உண்டா?

 ஹஜ்ரத் அபூஹனீஃபா (ரஹ்) அவர்களின் சொல் மற்றும் பத்வா அதனின் பேரில் உள்ளது.எனினும்,பரேல்விகள் மக்களை ஏமாற்றுவதற்கு நாங்களும் ஹனஃபி மத்ஹபை தான் பின்பற்றுகிறோம் என்பதாக கூப்பாடு போடுகிறார்கள்.

முக்கியமாக கவனிக்க வேண்டிய விஷயம் இந்த சொல்லானது இமாம் அபூஹனீபா (ரஹ்) அவர்களின் மாணவர் முஹம்மது (ரஹ்) அவர்கள் நேரடியாக அறிவிப்பதுடன் இதுதான் நமது மத்ஹப் என்பதாக கூறுகிறார்கள்.

கப்ரு கட்டுவது கப்ரை  வலுப்படுத்துவது கூடாது என்பதற்கு சரியான தெளிவான ஹதீஸ் மற்றும் இமாம் அபூஹனீஃபா (ரஹ்) அவர்களின் தெளிவான கூற்றிற்கு பிறகு இதனை குறித்து பேசதேவையில்லை.எனினும்,

மனநிறைவு பெறுவதற்கும் உண்மையாக மத்ஹபுகளை பின்பற்றுபவர்கள் பரேல்விகள் இல்லை என்பதை புரிந்து கொள்வதற்கும்  மார்க்க அறிஞர்களின் அதிகப்படியான ஆதாரங்களை பார்ப்போம்!

இமாம் ஸிராஜுத்தீன் ஹனஃபி ரஹ் அவர்களின் கருத்து: 

يكره البناء علی القبور

கப்ருகளின் மீது கட்டடம் கட்டுவது மக்ரூஹாகும்.
(பதாவா ஜிராஜிய்யா) 

இமாம் காஜிகான் ஹனஃபி (ரஹ்) அவர்கள் கூறுகிறார்கள்:

ولا يجصص لما روي عن النبي صلی الله انه نهی عن تجصيص و التفضيض و عن البناء فوق القبر 

கப்ரை வலுப்படுத்துவது கூடாது.ஏனெனில்  வலுப்படுத்துவது,வெள்ளி பூசப்படுவது,கப்ரின் மீது கட்டடம் கட்டுவது நபி ஸல்லல்லாஹு அலைஹி வஸல்லம் அவர்களிடமிருந்து தடுத்ததாக அறிவிக்கப்பட்டுள்ளது.

அல்லாமா ஹல்பி (ரஹ்) அவர்கள் அறிவிக்கிறார்கள்: 

عن ابی حنيفة انه يكره ان يبنی عليه بناء من بيت او قبة او نحو ذلك لما مر من الحديث اٰنفا 

அபூஹனீஃபா (ரஹ்) அவர்களிடமிருந்து அறிவிக்கப்பட்டுள்ளது.கப்ரின் மீது கட்டடம் குப்பா போன்றவைகளை கட்டுவது மக்ரூஹாகும்.மேற்கூறப்பட்ட ஹதீஸ் ஆதாரமாகும்.(கபீரி) 

ஹாபிள் இப்னு ஹுமாம் (ரஹ்) அவர்கள் கூறுகிறார்கள்:

ان النبي صلی الله عليه و سلم نهی  عن تربيع القبور و تجصيصها 

நபி ஸல்லல்லாஹு  அலைஹி வஸல்லம்  அவர்கள் கப்ருகளை சதுரமாக அமைப்பதை மற்றும் அதனை வலுப்படுத்துவதை தடுத்தார்கள்.
(பத்ஹுல் கதீர்) 

பதாவா ஆலம்கிரியில் வரும் வாசகம் :

و يسنم القبر قدر الشبر ولا يربع ولا يجصص و يكره ان يبنی علی القبر 

கப்ரானது ஒட்டத்திமிலாக ஒரு சாண் அளவிற்கு அமைக்கப்படும்.சதுரமாக அமைக்கப்படாது.
வலுப்படத்தப்படாது.கப்ரின் மீது கட்டடம் கட்டுவது மக்ரூஹாகும்.
(ஆலம்கிரி)

அல்லாமா இப்னு ஆபிதீன் ஹனஃபி (ரஹ்) ஹனஃபி :

اما البناء فلم ار من اختار جوازه 

கட்டடம் கட்டுவது கூடும் என்று கருத்துள்ளவரை நாம் அறியவில்லை.
(ஷாமி)

ஹஜ்ரத் முல்லா அலி காரி (ரஹ்) அவர்கள் கூறுகிறார்கள் :

و هي ما انكره اءمة المسلمين كالبناء علی القبور و تجصيصها 

முஸ்லிம்களின் இமாம்கள் நிராகரித்தவைதான் வழிகேடான பித்அத்தாகும்.அவை கப்ருகளின் மீது கட்டடம் கட்டுவது அதனை வலுப்படுத்துவது போன்றாகும்.
(மிர்காத்)

முஸ்லிம்களின் இமாம்கள் கப்ருகளின் மீது கட்டடம் கட்டுவது அதனை வலுப்படுத்துவது கடுமையாக எதிர்த்துள்ளார்கள்.அதனை வழிகேடான பித்அத் என்பதாக தீர்ப்பளித்துள்ளனர் என்பதை மேற்குறிப்பிட்ட வாசகத்தின் மூலம் தெளிவாக புரியமுடிகிறது.

காஜி ஸனாவுல்லாஹ் ஸாஹிப் (ரஹ்) அவர்கள் எழுதியுள்ளார்கள்: 

நல்லோர்களின் கப்ருகளில் அரங்கேற்றப்படும் விஷயங்கள் உயர்ந்த கட்டடம் கட்டுவது, விளக்குவது எரிப்பது இதைப் போன்றவைகள் ஹராமாகும்.
(மாலா புத்த மின்ஹு) 

இமாம் நவவி (ரஹ்) அவர்கள் எழுதியுள்ளார்:

 ان السنة ان القبر لا يرفع علی الارض رفعا كثيرا بل يرفع نحو شبر 

நிச்சயமாக கப்ரானது பூமியில் அதிகமாக உயர்த்தப்படாது.மாறாக ஒரு சாண் அளவிற்கு உயர்த்தப்படும்.இது சுன்னத்தில் உள்ளதாகும்.
(ஷர்ஹு முஸ்லிம்)

இமாம் பைஹகி (ரஹ்) அவர்கள் கூறுகிறார்கள்:

 நபி ஸல்லல்லாஹு அலைஹி வஸல்லம் அவர்களின் கப்ரானது பூமியிலிருந்து ஒரு சாண் அளவிற்கு நெருக்கமான உயரம்  இருந்தது.
(குப்ரா )

இமாம் நவவி (ரஹ்) அவர்கள் முஸ்லிமின் விளக்கவுரையில் பின்வருமாறு எழுதியுள்ளார்:

قال اصحبنا تجصيص القبر مكروه و القعود عليه حرام و كذا الاستناد اليه و الاتكاء عليه و اما البناء عليه فان كان فی ملك البانی فمكروه وان كان فی مقبرة مسبلة فحرام نص عليه الشافعي و الاصحاب قال الشافعی فی الام و رايت الاءمة بمكة يامرون بهدم ما يبنی و يؤيد الهدم قوله ولا قبرا مشرفا الا سويته 

கப்ரை வலுப்படுத்துவது மக்ரூஹ் அதன் மீது அமர்வது ஹராம் என்பதாகவும் மற்றும் இவ்வாறே அதன் மீது
சாய்வதும்  ஊன்றுவதும் (ஹராமாகும்) என நமது இமாம்கள் கூறுகிறார்கள். மேலும் அதன் மீது கட்டடம் கட்டுவது அவரின் சொந்த பூமியாக இருந்தால் மக்ரூஹாகும்.பொது சொத்தாக இருந்தால் (கட்டடம் கட்டுவது) ஹராமாகும்.இதனை இமாம் ஷாபியி ரஹ் அவர்களும் தோழர்களும் தெளிவுப்படுத்தியுள்ளனர்.இமாம் ஷாபியி (ரஹ்) கூறுகிறார்கள்:

"நான் மக்காவில் இமாம்கள் கப்ருகளை இடிக்கும் படி உத்தரவிடுவதை பார்த்தேன்".இதனை இந்த ஹதீஸ் உறுதிப்படுத்துகிறது. அந்த ஹதீஸ் உயர்ந்த எந்த கப்ரையும் அதனை சீராக்காமல் விட்டு விடாதே!

(ஷரஹு ஸஹீஹ் முஸ்லிம்)

அல்லாமா இப்னு ஹஜர் மக்கி (ரஹ்) அவர்கள் எழுதியுள்ளார்கள்:

  تجب المبادرة الی  هدمها و هدم القباب التی عليها 

உயர்ந்த கப்ருகள் மற்றும் கப்ருகள் மீது குப்பா கட்டப்பட்டுள்ளதை இடிப்பது அவசியமாகும்.

(கிதாபு ஜவாஜிர்) 

ஹஜ்ரத் முல்லா அலி காரி ரஹ் அவர்கள் எழுதியுள்ளார்கள்:

و يجب الهدم وان كان مسجدا 

மஸ்ஜிதாக இருந்தாலும் சரி இடிப்பது அவசியமாகும்.
(மிர்காத்)

இதனின் விளக்கம் தந்திரம் குயுக்தியுடன் கப்ருகளுக்கு அருகில் மஸ்ஜிது என்ற பெயரில் குப்பா கும்பா கட்டப்பட்டு இருந்தாலும் இடிக்க வேண்டும்.

அல்லாமா முஹம்மது ஆலூஸி (ரஹ்) அவர்கள் எழுதியுள்ளார்கள்:

ثم اجماعا فان اعظم المحرمات و اسباب الشرك الصلوة عندها و اتخاذها مساجدا بناءها عليه و تجب المبادرة إلى هدمها و هدم القباب التى على القبور إذ هي أضر من مسجد الضرار لأنها اسست على معصية رسول الله صلى الله عليه وسلم و تجب اناله كل قنديل أو سراج على قبر ولا يجوز وفقه و نذره 

இதன் பேரில் இஜ்மா உள்ளது.கப்ருகளுக்கு அருகில் தொழுவது,அதன் மீது மஸ்ஜித் கட்டுவது,அல்லது கட்டடங்கள் கட்டுவது ஹராமான இணைவைப்பு காரியங்களில் உள்ளது.எனவே உயர்ந்த கப்ருகள் அதன் மீது குப்பா அமைக்கப்பட்டு இருப்பதை இடித்து தள்ளுவது அவசியமாகும்.ஏனெனில் இது மஸ்ஜித் ளிராரை விட இழப்பை ஏற்படுத்தும். மேலும் நபி ஸல்லல்லாஹு அலைஹி வஸல்லம் அவர்களுக்கு மாற்றமாக கட்டப்பட்டது.அன்னார் அவர்கள் உயர்ந்த கப்ருகளை இடிக்கும்படி கட்டளையிட்டார்கள்.கப்ருகளின் மீது விளக்குகள்,அரிக்கன் விளக்குகளை விட்டு தூரமாக்குவது அவசியமாகும்.அதனின் வக்ஃப் நேர்ச்சை கூடாது.

(ரூஹுல் மஆனி)


ஹாஃபிள் இப்னு ஹஜர் ஹைதமி ரஹ் அவர்கள் எழுதியுள்ளார்கள் :

بقوله المنقول المعتمد كما جزم به النووى فى شرح المهذب حرمة البناء فى المقبرة المسبلة فإن بني فيها هدم ولا فرق فى ذلك بين قبور الصالحين و العلماء و غير هم 


பொது சொத்தில் கட்டடம் கட்டுவது ஹராமாகும்.அது இடிக்கப்படவேண்டும்.அதிலே நல்லோர்களின் ஆலிம்களின் மற்றவர்களின் கப்ருகளுக்கு மத்தியில் எந்த ஒரு வித்தியாசமும் இல்லை என்பதாக ஷரஹ் முஹத்தப்பில் இமாம் நவவி ரஹ் அவர்கள் உறுதிப்படுத்தியுள்ளார்கள்.

மற்றோர் இடத்தில் அன்னார் எழுதியுள்ளார்கள் 

قد أفتى جماعة من عظام الشافعية بهدم قبة الامام الشافعي رضي الله عنه 

ஷாபியி மத்ஹபை சேர்ந்த பெரும் அறிஞர்கள் இமாம் ஷாபியி ரஹ் அவர்களின் குப்பாவை இடிக்கும் படி தீர்ப்பு கொடுத்துள்ளார்கள்.


ஆக கப்ருகளை கட்டுவது,அவைகளை வலுப்படுத்துவது,கட்டடம் குப்பா அமைப்பது அனைத்தும் தடுக்கப்பட்டுள்ளது என்பதை ஹதீஸ்களின், புகஹாக்களின் ஒளியில் புரியமுடிகிறது.இது அல்லாமல் அதிகப்படியான மார்க்க அறிஞர்களின் தீர்ப்புகளும் உள்ளது.அதனையும் தேவைப்படும் போது பதிவு செய்வோம்.

இன்ஷா அல்லாஹ் அடுத்து கப்ருகளை கட்டுவதை ஆதரிக்கும் பரேல்விகளின் வாதங்களுக்கு மறுப்புகளையும் பிக்ஹ் நூலில் செய்யும் திரிபுகளையும் அடுத்து பார்ப்போம்!

16 Dec 2018

பெரியோர்களின் பெரியோர் ஜீலானி ரஹ் அவர்களின் வழிமுறையும் பரேல்விய வழிமுறையும் (போலி சுன்னத் வல்ஜமாஅத்)


வாசகர்களே!

பரேல்விகள், ஸய்யிதினா அப்துல்காதிர் ஜீலானி (ரஹ்) அவர்களுக்கு எதிரானவர்கள்.வயிற்றை நிரப்புவதற்கு மட்டும் பிரியத்தை அன்பை வெளிப்படுத்துகின்றனர்.

இதனையும் கூறுகிறார்கள்:

அன்னார் அவர்களின் வழிமுறைக்கு மாற்றம் செய்வது கொல்லும் விஷமாகும்.இம்மை, மறுமை நாசமும் அழிவுமாகும்.
(ஃபதாவா ரிஜ்விய்யா)

உண்மையில் ஷைக் ஜீலானி (ரஹ்) அவர்களின் வழிமுறைக்கு மாற்றம் செய்து பரேல்விகள் தங்களின் இம்மை மறுமையை நாசப்படுத்து கொள்கின்றனர் என்பதை நாம் உங்களுக்கு முன்னால் தெளிவாக நிரூவுகிறோம்.

(1) ஷைக் ஜீலானி (ரஹ்)
அவர்கள் எழுதியுள்ளார்கள்:

ஆஷுரா நாளில் துக்கம் அனுஷ்டிப்பதை  அனுமதிக்கப்பட்டு இருந்தால் நபி ஸல்லல்லாஹு அலைஹி வஸல்லம் அவர்களின் தோழர்கள், மற்றும் தாபியீன்கள் அமல் செய்திருப்பார்கள்.ஏனெனில் அதற்கு மிகவும் நெருக்கமானவர்கள் தகுதியானவர்கள் அவர்கள்தான்.
(குன்னியத்து தாலிபீன்)

இதை தான் நாமும் கூறுகிறோம்.எத்தனை பித்அத்துகளை பரேல்விகள் அரங்கேற்றுகிறார்களோ அது அனுமதிக்கப்பட்டு இருந்தால் ஸஹாபாக்கள் தாபியீன்கள் அவசியம் செய்திருப்பார்கள்.துக்கம் அனுஷ்டிப்பதை நல்லோர்கள் கடைப்பிடிக்காமல் இருப்பதானது
தடை என்பதற்கு ஆதாரமாகும். இவ்வாறே அனைத்து பித்அத்துகளையும் அவர்கள் கடைப்பிடிக்காமல் இருப்பது
கூடாது என்பதற்கு ஆதாரமாகும்.ஆனால் பரேல்விகள் கூறுவது என்ன??

 தடை என்பதற்கும், கூடாது என்பதற்கும் ஆதாரம் தாருங்கள் என்பதாக குதிக்கிறார்கள் ஏனெனில் அவர்கள் பின்பற்றுவது ரிஜாகான் பரேல்வி என்ற தனிநபரை தான்.நபி ஸல்லல்லாஹு அலைஹி அவர்களையோ ஸஹாபாக்களையோ தாபியீன்களையோ இல்லை.

(2)ஹள்ரத் ஷைக் (ரஹ்) அவர்கள் எழுதியுள்ளார்கள்: 

மார்க்க காரியங்களில் ஃபுகஹாக்கள் எனும்
மார்க்க விற்பன்னர்களின் (சொல்லின்)
பேரில் அமல்செய்யுங்கள் .
(குன்னியத்து தாலிபீன்)

மார்க்க விற்பன்னர்கள்
(புகஹாக்கள்) யாரெனில் ஷரீஅத்தில் தேர்ச்சி பெற்றவர்கள், குர்ஆன் சுன்னத்தின் ஒளியில் அவர்கள்  அனுமதிப்பதை அமல் செய்யவேண்டும்.அவர்கள் தடுப்பதை கைவிடவேண்டும்.மார்க்க விற்பன்னர்கள் மார்க்க சட்டங்களை கூறுபவர்கள்.மாறாக உருவாக்குபவர்கள் இல்லை.இவர்கள் குர்ஆன் சுன்னத்தில் உள்ள நுணுக்கங்களை அறிந்து சட்டங்களை  தொகுத்தளித்து அற்புதம் செய்துள்ளனர்.

பரேல்விகள் கூறுவதையும் பாருங்கள்!

அஹ்மத் யார் கான் நயீமி கூறுகிறார்:

 ஜனாஸா தொழுகைக்கு பிறகு துஆ செய்வதை புகஹாக்கள் எனும் மார்க்க விற்பன்னர்கள் தடுத்துள்ளனர்.
(ஜாஅல் ஹக்)

முக்கிய குறிப்பு :

ஜனாஸா தொழுகைக்கு பிறகு துஆ செய்வது பரேல்விகளிடத்தில் அனுமதிக்கப்பட்டதாகும்.
புகஹாக்களின் தீர்ப்புக்கு பாரதூரமான மாற்று  விளக்கம் அளித்து பித்அத்தை அரங்கேற்றுகின்றனர்.

அஹ்மத் ரிஜாகான் எழுதியுள்ளார்கள் :

மஸ்ஜிதுகளில் உரத்த குரலில் திக்ர் செய்வது மக்ரூஹ் என்பதாக புகஹாக்கள் எனும் மார்க்க விற்பன்னர்கள் தெளிவுப்படுத்தியுள்ளனர்.
(ஷமாயிமுல் அன்பர்)

ஆனால் இன்று மஸ்ஜிதுகளில் உரத்த குரலில் திக்ர் செய்வது பரேல்விகளின் அடையாளச்சின்னமாக விட்டது.

ஷைக் (ரஹ்) அவர்கள் எழுதியுள்ளார்கள்: 

பெருமானார் ஸல்லல்லாஹு அலைஹி வஸல்லம் அவர்களின் மண்ணறைக்கு வருகை தருபவர் அன்னாரின் சமூகத்தில் ஸலாம் ஸலாத் எவ்வாறு சொல்லவேண்டும்?  மேன்மைமிக்க கப்ரின் பக்கம் முன்னோக்க வேண்டும்.பிறகு அஸ்ஸலாமு அலைக்க அய்யுஹன் நபிய்யு அல்லாஹும்ம ஸல்லி அலா முஹம்மதின் வ அலா ஆலி முஹம்மதின் கமா ஸல்லய்த்த அலா இப்ராஹீம இன்னக ஹமீதும் மஜீத் .
(குன்னியா)

பாருங்கள்! 

 பெருமானார் ஸல்லல்லாஹு அலைஹி வஸல்லம் அவர்களின் மண்ணறையிலும் தரூத் இப்ராஹீம் ஓதவேண்டும் என்று பெரியோர்களின் பெரியோர்
ஜீலானி (ரஹ்) அவர்கள்  என்கிறார்.ஆனால் பரேல்விகள் தரூத் இப்ராஹீம் ஓதுவதை தடை செய்கிறார்கள்.

பரேல்வி முஃப்தி இக்திதார் அஹ்மத் கான் 
நயீமி எழுதியுள்ளார்:

தரூத் இப்ராஹீம் தொழுகையில் ஓதலாம்.மற்ற சந்தர்ப்பங்களில் ஓதுவது குற்றமும் கூடான செயலாகும்.
(தப்ஸீர் நயீமி)

கவனியுங்கள்! 
ஷைக் (ரஹ்) அவர்களின் சொல்லிற்கு எந்தளவிற்கு முரண்படுகின்றனர்.

பரேல்விகளிடத்தில்
அல்லாஹுதஆலா ஹாஜிர் நாஜிர் என்பது மார்க்கம் இல்லை.சிலரிடத்தில் இறைநிராகரிப்பாகும்.மேலும் இவ்வாறு கூறுவது மிகக் கேடுகெட்ட செயலாகும்.எனவே இதனை அல்லாஹ்விற்கு பயன்படுத்துவது கூடாது.

ஆனால், ஷைக் (ரஹ்) அவர்கள் எழுதியுள்ளார்கள்:

هذا خطاب لحاضر يا حاضرا عندي 
(பத்ஹுர் ரப்பானி மஜ்லிஸ் நம்பர் 25)

  ஷைக் (ரஹ்) அவர்கள் அல்லாஹ்விற்கு ஹாஜிர் எனும் வார்த்தையை பயன்படுத்தியுள்ளார்.

மற்றோர் இடத்தில் கூறியுள்ளார்கள்:

தொழுகையாளி ஸனா ஓதும் பொழுது அவர் அறிந்து கொள்ளட்டும்!

انه مخاطب من هو سامع منه مقبل عليه ناظر اليه

 அவர் ஓதுவதை கேட்பவனிடத்தில் (அல்லாஹ்விடத்தில்) உரையாடுகிறார்.அவரை பார்ப்பவனை முன்னோக்குகிறார்.
(குன்னியா)

வாசகர்களே ஷைக் (ரஹ்) அவர்கள் அல்லாஹ்விற்கு நாளிர் (பார்ப்பவன்) என்ற வார்த்தையை பயன்படுத்தியுள்ளார்.பரேல்விய பெரியோர்கள் ஹாஜிர் நாஜிர் என்ற வார்த்தையை அல்லாஹ்தஆலாவிற்கு பயன்படுத்துவதை நிராகரித்துள்ளனர்.
ஆனால் ஷைக் (ரஹ்) அவர்கள் பயன்படுத்தியுள்ளார்.இப்பொழுது பரேல்விகள் தீர்ப்பை மாற்றிக்கொள்ளட்டும் அல்லது பரேல்விய வழிமுறையை தவறு என்பதாக ஏற்றுக்கொள்ளட்டும் ஏனெனில் ஷைக் ரஹ் அவர்கள் அதனை பயன்படுத்தியது அவர்களிடத்தில் கூடும் என்பதற்கு ஆதாரமாகும்.பரேல்விகளிடத்தில் கூடாது என்பதால் ஷைக் ரஹ் அவர்களுக்கு மாற்று செய்து இம்மை மறுமையை பாழ்ப்படுத்திவிடாதீர்

ஷைக் ரஹ் அவர்கள் ரவாஃபிள் (ஷீஆ கொள்கையை சேர்ந்தவர்கள்) 
குறித்து ஹதீஸை எடுத்தெழுதியுள்ளார்கள்:

தவறான கொள்கைவாதிகளுடன் சேர்ந்து சாப்பிடாதீர் பருகாதீர் அவர்களுடன் திருமணம் செய்யாதீர்.
 (குன்னியா)

ஆனால் கான் சாஹிப் பரேல்வியின்  நவாப் கல்ப் அலி அவர்கள் வரம்புமீறிய ஷீஆ கொள்கையை சேர்ந்தவரிடத்தில் பணிபுரிந்தார்.மேலும் அஃலா ஹஜ்ரத் பல தடவை கல்ப் அலியை சந்திப்பதற்கு செல்வார்.துணைவியையும் அழைத்து செல்வார்.(அன்வாரே ரிஜா)

ஷீஆ கொள்கை தாக்கம் ரிஜாகான் பரேல்வியை தாக்கியது.இதனால் ஆயிஷா ரளி அவர்களை களங்கப்படுத்தினார்.ஆபாசமும் அசிங்கமும் நிறைந்த கவிதையை இயற்றி அன்னையை தூற்றினார்.ஷீஆ கொள்கையை அஹ்லுஸ்ஸுன்னத் வல்ஜமாஅத்தின் போர்வையில் பரப்பினார்.

ஆதார நூல்கள் :

3 Dec 2018

பரேல்விகளின் நபி அஹ்மத் ரிஜாகான் பரேலவி !


பரேல்விகள் அஹ்மத் ரிஜாகானை நபிமார்களை விட மேன்மை மிக்கவர் என்பதாக கருதுகிறார்கள்.இதனின் உண்மை நிலையை தங்களுக்கு முன்பாக தெளிவுப்படுத்தி கூறுகிறேன்.

நமது தாழ்மையான வேண்டுகோள் இந்த கட்டுரையை கவனத்துடன் படித்துப் பாருங்கள்!

அஹ்மத் ரிஜாகான் கவ்ஸர் எனும் நீரை புகட்டுபவர் :

   அனைத்து முஸ்லிம்களின் கொள்கை கவ்ஸர் நீரை முஹம்மது நபி (ஸல்) அவர்கள் தான் புகட்டுவார்கள்.எனினும்,பரேல்விகள் இதற்கு எதிரான கொள்கையின் பேரில் கவ்ஸர் நீரை புகட்டுபவர் அஹ்மத் ரிஜாகான் பரேல்வி என்பதாக கூறுகின்றனர்

جب زبانیں سوکھ جائیں پیاس سے 
جام کوثر کا پلا احمد رضا 

தாகத்தினால் நாவுகள் வரண்டுவிடும் பொழுது கவ்ஸர் நீரை புகட்டுபவர் அஹ்மத் ரிஜா
 (نغمتہ الروح )

முக்கிய குறிப்பு: 

இந்த நூலை பரேல்விகள் மறுப்பதை நாம் பார்த்துவருகிறோம்.அவர்களுக்கு கூறுகிறோம் " அபூகலீம் சித்தீக் ஃபானி பரேல்வி இந்த நூலின் மீதுள்ள குற்றச்சாட்டுகளுக்கு 'ஆயினே அஹ்லுஸ்ஸுன்னா' என்ற நூலில் பதில் அளித்துள்ளார்.எனவே இந்த நூல் ஏற்கத்தக்கதல்ல என்ற வாதம் ஏற்புடையதில்லை."

பரேல்விய ஹகீமுல் உம்மத் முஃப்தி அஹ்மத் யார் கான் நயீமி குஜராத்தி இவரின் மகனார் இக்திதார் கான் நயீமி அவரின் தந்தையின் முழுமைப் பெறாத குர்ஆனின் விளக்கவுரையை முழுமைப்படுத்தியுள்ளார்.

   அந்நூலில் வரும் வாசகம்:

نبی پر ایمان فرض ہے اطاعت نہیں

நபியின் மீது ஈமான் கொள்வது பர்ளாகும்.கட்டுப்படுவது பர்ளு இல்லை.
(تفسیر نعیمی )

மார்க்கம்,வழிமுறை என்பது எனது நூலிலிருந்து வெளிப்படுவதாக உள்ளது.இதன் பேரில் அமல் செய்வது அனைத்து கடமைகளையும் விட பெரும் கடமையாகும்.
(وصایا شریف )

வாசகர்களே! நடுநிலையோடு கவனியுங்கள்! நபி (ஸல்) அவர்களுக்கு கட்டுப்படுவது பர்ளு இல்லை.அஹ்மத் ரிஜாகானிற்கு கட்டுப்படுவது அனைத்து பர்ளுகளை விடவும் பெரிய பர்ளாகும்.(அல்லாஹ் பாதுகாப்பானாக!)

இதுமட்டுமின்றி, பரேல்விகளின் கொள்கை என்னவெனில் ....

  அஃலா ஹஜ்ரதின் கொள்கைகளுக்கு ஏற்ப இல்லாதவர் காபிராவார்.இது சரியானதாகும்.
الصوارم الہندیہ ,فتاوی صدر) 
الافاضل ,انوار شریعت )

கவனித்துப் பாருங்கள்! 
அஃலா ஹஜ்ரதின் கொள்கைகளுக்கு ஏற்ப இல்லையெனில் அவர் காபிர்.
நபி ஸல் அவர்களுக்கு கட்டுப்படுவதற்கு எந்த மதிப்பும் இல்லை.

அஹ்மத் ரிஜாகான் மல்பூஜாதில் எழுதியுள்ளார்:

 மேன்மைமிக்க குர்ஆனை பாதுகாக்கும் வாக்குறுதி தரப்பட்டுள்ளது.அதனின் வார்த்தை பொருளுடன் .......
சில வரிகளுக்கு பிறகு  எழுதுகிறார் :
        "அண்ணலார் வசனங்களில் சிலதை மறந்திருக்க வாய்ப்புள்ளது".

இதனின் கருத்து நபி (ஸல்)அவர்கள் வசனங்களில் சிலதை மறந்திருக்க வாய்ப்புள்ளது.

அஃலா ஹஜ்ரதின் மீது கண்மூடித்தனமான நேசம் கொண்டவர்கள் அவரை குறித்த நிலைப்பாட்டை பாருங்கள்! 

அஃலா ஹஜ்ரதின் நாவு, பேனாவை அல்லாஹ் தனது பாதுகாப்பில் எடுத்துக் கொண்டான்.நாவு பேனாவில் புள்ளி அளவிற்கு கூட தவறு ஏற்படுவதானது சாத்தியமில்லை.
(احکام شریعت )

அஃலா ஹஜ்ரதின் நாவு பேனாவில் புள்ளி அளவிற்கு கூட தவறு நிகழாது.நபி (ஸல்) அவர்கள் குர்ஆனின் வசனங்களில் சிலதை மறக்க வாய்ப்புள்ளது.

பரேல்விகளிடம் நமது கேள்வி என்னவெனில்  நபி (ஸல்) அவர்களின் நாவை அல்லாஹ் தனது பாதுகாப்பில் எடுத்துக் கொள்ளவில்லையா?
அஃலா ஹஜ்ரதின் நாவு பேனா இரண்டையும் அல்லாஹ் பாதுகாப்பில் எடுத்துக்கொண்டான் எனில் இது நபி (ஸல்) அவர்களின் அந்தஸ்தை குறைப்பதாக ஆகாதா? பரேல்விகளே பதில் தாருங்கள்!

ஸாஹிப் ஜாதாஹ் அபுல்கைர் முஹம்மது ஜுபைர் பரேல்வி அவரது நூலான 'மஃபிரதுத்தன்பில்' எழுதியுள்ளார்:

அஃலா ஹஜ்ரதின் கொள்கை விரும்பிகள் ரிஜாகான் பரேல்வியை நபி (ஸல்) அவர்களை விட உயர்ந்தவர் என்பதாக கருதுகிறார்கள்.
(انوار کنزالایمان ,مغفرت ذنب )

அல்லாஹ் பாதுகாப்பானாக!

ஆதார நூல்கள் :



 

makkah live

Sample Text

madina live